Ikasturteko azkeneko egunean 6. mailakoen agurra ospatu dugu. Emozioz eta sentimenduz beteriko ekitaldi honetan, eskolako langileek agur bertso bat abestu dute, eskolako gazteenak larrosa bat eman die eta Guraso Elkarte partetik oroigarri bat jaso dute.
Ikasleek beraiek ere, agur esan digute kartulinekin osatutako mezu baten bidez eta dantza bat dedikatu digute.
ZORIONAK egin duzuen ibilbideagatik eta ANIMO eta ZORTE ON zuen bizitzaren etapa berrirako!!!
AGUR BERTSOAK
Txikitan hasi zineten hemen
alaitu zenuten gela,
urteak pasa ta bazoazte
nagusienak bezala
argi daukagu eta aitortu
nahi dizuegu horrela,
Bihurri bezain maitagarriak
zuek denak zaretela.
Gelan ditugu perfil ugari
ederra da pelikula,
Isiltzen ez den ikaslea ta
eusten duena eztula,
Entzun arretaz gure aitortza
ta ez ahaztu sekula,
Aurrerantzean benetan faltan
botako zaituztegula.
Urte hauetan ikusi dugu
gela hontan denetarik,
Ibilbide hau hasia baizen
oso-oso gaztetatik,
Zorte onenaz aurrera egin
denek bihotz-bihotzetik,
Muxu erraldoi eta bero bat
guzti guztion partetik.
No hay comentarios:
Publicar un comentario